天主教香港教區在2022年12月12日，於灣仔伊利沙伯體育館舉行的「眾家之家籌款音樂會」。活動由《教區籌募建堂及發展基金委員會》主辦，當晚香港教區大家庭總動員參與演出，各項表演都非常精彩，本集為您介紹音樂會及送上由聖母無原罪傳教女修會阮嫣玲修女提供的其中三個預錄的表演。請大家細心欣賞！

彌撒嘅高峰係祝聖聖體嘅時候，為教友嚟講，我哋相信聖體聖血就係耶穌基督嘅臨在，而喺教會裏面，亦都有唔少經過科學鑒證之後，又獲得教廷認可嘅聖體奇蹟發生。為咗令大家認識乜嘢係聖體奇蹟，真福卡洛‧阿庫蒂斯（Blessed Carlo Acutis）策展咗《聖體奇蹟》國際展覽，呢個展覽已經被翻譯成17種語言，喺五大洲不同城市展出，今次展覽去到澳門，由澳門天主教文化協會主辦。《我哋大家》請來澳門天主教文化協會主任 Joni Cheng 為我們詳細介紹這國際展覽。

一講到「澳門」呢個地方，你可能第一時間就會諗到，葡撻、豬扒包、大三巴，甚至乎「玩返兩手」。但係，你有冇留意到澳門其實有好多有特色嘅天主教教堂呢？澳門教區有點樣去運用呢一啲嘅文化遺產去做福傳呢？近年，該教區成立咗澳門天主教文化協會，今集《我哋大家》就請來澳門天主教文化協會主任 Joni Cheng 同我哋一齊認識澳門天主教嘅文化，亦都會介紹協會嘅工作。

何謂「牧民」？「牧民」係咪神父嘅專用詞語？平信徒又點參與牧民？今集請來牧民神學博士林康政老師同我哋分享佢對「牧民」嘅見解，仲會同大家介紹佢嘅牧民工具。

好多時喺生活中都會聽到有人話：「呢份工係天主叫我做嘅！」又或者「呢件事係天主叫我做嘅！」係咪真係咁容易聽到天主的召叫呢？要點先至知道天主叫緊自己呢？今集請來林康政老師同我哋分享佢係日本聽到召叫嘅經驗，林老師仲會同大家講下教宗第59屆世界聖召祈禱日文告中所提及的「聖召」係點樣嘅一回事。

有沒有聽過天主教都有「公益金」？在多倫多總教區就設有「教區公益金ShareLife」為弱勢社群提供援助。究竟 ShareLife 是做些什麼？有多少個天主教慈善機構受惠？今集 #我哋大家 請來天主教多倫多總教區發展部主任官美兒女士(Samantha Koon)為我們介紹該機構，與及分享她為何堅持這一份工作。

AMDG推出第三張專輯，唱作人Vansie表示：「當中收納的都是跟『希望』有關的歌曲作品。『希望』至少可以用音樂帶點鼓勵和安慰。」今集 #我哋大家 有Vansie同我哋分享創作呢張專輯及歌曲背後的意義與故事。

由於香港疫情嚴峻嘅關係，聖堂都需要閂門，直接影響教友嘅信仰生活。身為大角咀中華聖母堂堂區主任司鐸嘅譚錦榮神父，在疫情下都不忘去帶領教友去幫助有需要嘅露宿者。譚神父亦都會同我哋介紹「方濟．友約」呢個網頁。另外，佢又特別製作聖週五特備節目「默想耶穌被埋葬及夜禱」。今集有譚錦榮神父同我哋逐一分享。

當家人離世的時候，家屬往往都會為殯儀及墓地安排而煩惱。你有冇想過可以由自己預早安排？仲可以一站式做哂所有事情，唔駛家人頻撲？今集 #我哋大家 繼續請來多倫多總教區天主教墓園管理局區域主任 Leo Tse 謝國權先生同我哋一一介紹。

有沒有想過土葬都可以有上下格，如碌架床一樣？天主教墓園是否只為教友安葬而設？室內和室外的安葬價錢相差有多大？原來室內的靈位高底是有級別之分。今集 #我哋大家 繼續請來多倫多總教區天主教墓園管理局區域主任 Leo Tse 謝國權先生同我們一一解答。

譚傑志神父於2021年在意大利感染了新冠病毒，並要入院留醫，當時他有何體會？曾經做過醫生的他，對疫苗又有何看法？在疫情下，無論什麼年紀的人都會感到沮喪、焦慮，在靈修上又可以如何幫助大家，積極面對生活？今集 #我哋大家 請來譚傑志神父與我們分享他感染後的經歷。

譚傑志神父，他除了集天主教司鐸、醫生、大學生命倫理教授等多重身份於一身，也是一位造詣非凡的藝術家。他12歲開始學習中國水墨畫，長大後更研習中國書法和篆刻，人生中不斷以藝術創作來默想與天主的創造。最近，譚神父推出書集「天地人和」，當中選輯了部分以往及近期的作品，用作品說話，帶領讀者與天主交談，認識信仰。本集《我哋大家》就請來譚神父為我們作介紹，更可先睹為快書中的作品。

帶俾人「希望」嘅職業有好多，你可能第一時間會諗到醫生、護士、老師、社工等等。你又會唔會諗到墓園服務呢個行業呢？今集 #我哋大家 請來多倫多總教區天主教墓園管理局區域主任 Leo Tse 謝國權先生同我哋講吓佢點解會入行，家人同朋友又會唔會對佢避之側吉呢？多倫多嘅天主教墓地其實有咩選擇呢？等等嘅問題 Leo 會逐一同我哋分享！

香港教區自楊鳴章主教喺2019年去世後，主教座堂嘅主教座一直懸空接近3年。而家教宗終於委任命咗耶穌會會士周守仁神父成為新嘅主教帶領香港教區。周主教經常都話青年人好重要，但係青年眼中嘅周主教又係一個點樣嘅人呢？晉牧嗰日 #沸點 攝製隊更全程貼身伴隨周主教。今集請來沸點TingTing同雀仔同我哋講吓佢哋喺當日嘅第一身感受，仲會講吓佢哋眼中嘅周主教係一個點樣嘅人。

要講 #新媒體 點可以唔講 #沸點 ，一個天主教嘅青年平台竟然同打邊爐扯上關係？此「沸」不同彼「廢」，一個決心帶領青年佢做 #沸青 嘅平台！今集請來兩位幕後主腦TingTing同雀仔講 #沸點 ！

聖誕節，連全城熱爆嘅男團Mirror都出聖誕歌應吓節，更何況喺教會！天主教香港教區推出一首全新編排嘅聖誕節組曲，更搵嚟12位神父(包括主教)一齊全新演繹耳熟能詳嘅聖誕歌，歌名名為《欽崇救主聖誕組曲》。今集 #我哋大家 邀請到負責編曲嘅Anthony 鄭汝森博士同我哋講吓製作過程，與及同12位神父錄音嘅感受。

如果有聽開宗教音樂嘅你，對鄭汝森博士(Dr.Anthony Cheng)呢個名字一定唔會陌生。佢唔單只係創作宗教音樂，佢仲係一個流行歌曲作曲人。今集 #我哋大家 邀請到 Anthony 同我哋分享佢嘅創作之路，點樣用音樂去融入自己嘅生活，並與人分享。